Joan den larunbatean, otsailaren 14an, inauterietako oporren lehen eguna izan arren eta haizeari zein hotzari aurre eginez, gure hamar ikasle ikertzaile bihurtu ziren egun batez. Artearen Historia arloko Ikerketarako Hastapen Proiektuaren (2025-2026 ikasturtea) barruan, taldea Cordovillara joan zen, Nafarroako Gobernuaren arkeologia-biltegira, salbuespenezko landa-lana egitera.
Historia ukituz ikasten
Jardueraren ardatza biltegiko hormetan gordetzen diren mosaiko erromatarren neurketa eta argazkigintza teknikoa izan zen. Liburuetatik haratago, gure ikasleek bertatik bertara ulertu ahal izan zuten:
- Nola babesten eta antolatzen diren Nafarroako kultura-ondasun materialak.
- Arte-lanaren zuzeneko azterketak duen garrantzia.
- Produktu bidezko ikaskuntza-metodologiaren aplikazioa.
Proiektu hau ez litzateke posible izango hezkuntza praktikoan sinesten duten erakundeen laguntzarik gabe. Bihotzez eskertu nahi dugu honako hauen dedikazioa eta maisutza:
- Txus García Gazólaz, Nafarroako Gobernuko arkeologo teknikaria.
- Alicia Ancho, Nafarroako Gobernuko Ondare Historikoaren Zerbitzuko zuzendaria.
- Iruñeko CAParen material-laguntza eta gure Institutuko baliabide teknikoak.
Jardunaldi honi amaiera bikaina emateko, parte-hartzaileek Aralarren berriki aurkitutako bisontearen xehetasunak ezagutzeko aukera izan zuten, adituek eurek azalduta; gure ondarearen funtsezko pieza, zalantzarik gabe.
Hurrengo urratsa: Kabinete-lana
Datuak bildu ondoren, fase zorrotzena dator orain. Ikerketa-taldeak otsailaren 27an, ostirala, hasiko du kabinete-lana jolasorduan. Animo gure 10 ikertzaileei fase berri honetan!
