Apirilaren 19an, DBHko 4. mailako Gizarte Zientzietako eta Osasun Zientzietako ikasleek parte hartu zuten Sartagudako Memoriaren Parkeko Belaunaldien arteko IV. Topaketan, 1936ko uztaileko kolpe militarraren ondorioz eraildako pertsonen senideekin. Nafarroa Garaiko 1.200 ikasle inguruk dozena bat seniderekin egin dute topo Nafarroako Memoriaren Leku enblematiko honetan. Memoriaren Nafarroako Institutuak Memoriadun Eskolak programaren barruan antolatzen dituen jarduera esanguratsuenetako bat da.
Ekitaldiak goizeko 10:00etan hasi dira, Parkean ikastetxeei harrera eginez eta ekitaldia aurkeztuz. Ondoren, taldetan banatuta, eraildako pertsonen senideekin hitz egin dute, eta, ondoren, jarduera artistikoak egin dituzte Memoria Tailerretan, Taxio Ardanaz artista plastikoak eta Jara Calvo poetak zuzenduta, edo Sartagudako Memorian paseatu dute. 12: 00etan izan da azken ekitaldia, eta Ana Ollo kontseilaria ikasleei zein biktimei zuzendu zaie. Ondoren, tailerretan egindako arte-sorkuntzak eta aurretik ikastetxeetan prestatutakoak aurkeztu dira.
