Aurkeztutako 70 proiektu baino gehiagotatik 8 bakarrik iritsi dira finalaurrekora. Horietako bat Mendillorri BHIko taldea da, ESOko 4. mailako Iker Vaca, Faith Ongala, Natalia Novak eta Oriana Mediana ikasleek osatua eta Coral Aranda eta Reme Castelló irakasleek zuzendua. Proiektuaren izenburua “Energia Laberatzen” da eta eguzki-labe batekin energia sortzean datza, etorkizunean ikastetxeko bokata solidarioak berotzeko balioko duena. Helburu hori lortzeko, Seebeck efektuan oinarritu dira: bi metal lotu dituzte termopila bat sortuz eta bi muturren artean sortzen den tenperatura-diferentziari esker energia sortzen da. Proiektu honen kasuan, termopila bat sartu da eguzki-labearen barruan, labearen barnealdearen eta kanpoaldearen arteko tenperatura-aldea energia sortzeko aprobetxatzeko. Finalera iristeko like asko behar dituzte, beraz, mesedez eman like bideo honi (maiatzak 8 arte bozkatu daiteke):
IES Mendillorri BHI
Mendillorriko Kalitatezko Bigarren Hezkuntza Publikoa - La Enseñanza Secundaria Pública y de Calidad de Mendillorri
