Martxoko azken egunetan, UCE, PMAR eta Ikasgela alternatiboko ikasleek Nafarroako Kutxa Fundazioarekin egin ohi den egun Berdeko irteeraz gozatu zuten. Aurten ezin izan genuen mendira joan zuhaitzak landatzera, baina trukean Aintziran zehar ibili ginen, eta Iñakik inguruko landareen eta zuhaitz eta zuhaixketan habia egiten duten txorien bitxikeria asko azaldu zizkigun. Gainera, landare berriak sortzen lagundu genuen: haziak erein genituen eta bi motatako landareen aldaxkak jarri genituen.
