Mendillorri BHIko Ekonomia Sailak poz handiz hartu du gure ikasleek Nafarroako Unibertsitate Publikoak (NUP) antolatutako Ekonomiako XVII. Olinpiadaren fase lokalean lortutako emaitza bikaina.
Ikastetxeko lau ikaslek (Jon Barra Miner, Marcos Villafranca López, Saioa Ibáñez Martínez eta Andrea Pérez Solchaga) hartu dute parte edizio honetan, eta maila bikaina erakutsi dute gaitasun analitikoan zein makroekonomia, mikroekonomia eta enpresa-kudeaketako kontzeptuen ezagutzan. Emaitza hutsetatik haratago, ikasle hauen espiritu kritikoa eta borondatezko erronka akademiko honi aurre egiteko erakutsitako konpromisoa azpimarratu nahi dugu.
Aranjuezko Fase Nazionalera bidean. Egindako ahaleginak sari berezia izan du: Jon Barral Miner gure ikasleak Olinpiadaren Fase Nazionalerako sailkatzea lortu du.
Estatuko hitzordua Aranjuezen eginen da, ekainaren 17tik 19ra. Bertan, Jonek estatu mailan lehiatzeko eta probintzia guztietako ikasleekin esperientziak partekatzeko aukera izanen du. Ohore handia da gure institutuko ikasle batek Nafarroa ordezkatzea horrenbesteko ospea duen lehiaketa batean.
Ahalegin kolektiboaren aitortza. Mendillorri BHItik gure zorionik beroena helarazi nahi diegu parte hartu duten lau ikasleei. Horrelako olinpiada bat prestatzea berez bada arrakasta pertsonal eta akademikoa, eta gure aintzatespen osoa merezi duzue. Institutuen izena oso altura handian utzi duzue. Eskerrik asko!
Gazte hauen inplikazioa ikusteak kalitatezko hezkuntza publikoaren alde lanean jarraitzera bultzatzen gaitu, bikaintasuna eta pentsamendu ekonomiko kritikoa sustatuz.
Zorionak Jon!! Zorte on Aranjuezen!