Urtarrilaren 15ean, Mendillorri BHIko irakasleei zuzendutako Expolio eta Zigor ekonomikoa Mintegiaren lehen saioa egin zen, “Mendillorri, memoria duen ikastetxe bat” proiektuan interesa azaldu zutenentzat. Matematika, Euskara, Gaztelania, Ingelesa zein Geografia eta Historia departamentuetako 14 irakasle parte hartzen ari dira mintegi honetan, beren irakasgaietan Memoria Historikoaren gaia lantzeko asmoz.
Lehenengo saioan Estatu kolpeak, gerrak eta ondorengo erregimen frankistak izan zituzten ondorioak aztertu ditugu, ondoren, erregimen frankistak ezarritako espoliazio eta zigor ekonomikoaren prozesuan sakondu dugu, beti ere Nerea Pérez eta César Layana irakasle eta historialarien eskutik. Bigarren saioan, neurri horiek emakumeei nola eragin zieten aztertuko dugu, eta Cesar Layanak bere ikerketa egiteko erabili zituen iturriekin zuzenean lan egiteko aukera izango dugu. Hirugarren saioan, gai horiek guztiak ikasgelara nola eraman aztertuko dugu, eta gogoetarako eta ikaskuntza-unitateak egiteko gune bat irekiko dugu, gure ikastetxeko Geografia eta Historia Departamentuko irakasle Patxi Abasoloren koordinaziopean. Hark gainbegiratuko du norberaren lana, hau da, ikaskuntza-unitate bat banaka egitea eta gero ikasgelara eramatea.
