Datorren hilabetetan zehar lehiaketa bat antolatu da ikastetxearen logotipo bat sortzeko asmoz. Logotipo hau ikastetxearen irudia izango da ikastetxeko dokumentuetan.
Hemendik ikastetxeari nortasuna ematera eta beraz lehiaketan parte hartzera gonbidatzen zaituztegu.
INSTITUTUAREN LOGOTIPOAREN LEHIAKETARAKO OINARRIAK
1. Lehiaketaren xedea
Institutuaren logotipoa hautatzea da.
2. Parte hartzaileak
Lehiaketa publikoa eta irekia izango da, eta institutuko edozein ikaslek, ikasle ohik, gurasok, zein langilek parte hartu ahal izango du.
Parte-hartzaile bakoitzak, nahi adina lan aurkeztu ahal izango du. Lanak originalak eta argitaratu gabeak izango dira, beste lehiaketetan parte hartu gabekoak, eta ez dira izango beste lan batzuen kopia, ez guztiz, ez zati batean ere.
3. Gaia
Logoaren gaia Institutua bera izango da. Logotipoak ikastetxea ekarri beharko du gogora, logotipoa eta zentrua harremanduz.
4. Lanen ezaugarri teknikoak
Logotipoaren diseinua honela aurkeztu beharko da:
- Formatua:
- Euskarria:DIN A-4 paperean edo kartulinan.
- Tamaina: logotipoak, gutxienez, 10zmx10zmko neurria izan beharko du.
- Teknika: librea izango da eta zuri-beltzean zein koloretan izan daitezke logotipoak.
- Diseinuaren zergatiaren azalpen txiki bat atxikitu ahal izango da, bost lerrokoa, asko jota.
- Edozein komunikazio euskarritara egokitu ahal izango da logotipoa, hau da, papera, gutun azala, txartela, kartela, helbide elektronikoa, web orria, etab.
5. Saria
Epaimahaiak honako sariok banatuko ditu: lehenengoa, 50€koa; bigarrena, 30€koa; hirugarrena, 20€koa. Musika zein literatura materialaren truke aldatu beharreko bonoak izango dira.
Lehenengo saria hutsik geratu ahal izango da ez baldin bada logo egokirik aurkitzen, kasu horretan, 2 bigarren eta 2 hirugarren sari emango dira.
6. Lanen aurkezpena
Proposamen bakoitzaren atzean, egilearen izen-abizenak, maila eta taldea egon beharko dira idatzita.
Logoak atezaintzatan egongo diren urna berezietan jasoko dira.
Lanak aurkezteko epea 2014ko martxoaren 28an (ostirala) amaituko da, eguerdiko ordu bi t´erdietan.
7. Balorazio irizpideak
Ondorengo irizpideak hartuko ditu epaimahaiak aintzat logotipo irabazlea aukeratzeko:
-
Sinpletasuna: irudiak xehetasun gutxi izango du.
-
Praktikotasuna:
-
Hainbat euskarritan erabilgarria izatea.
-
Zuri-beltzean inprimatu ahal izatea.
-
Testua (ikastetxearen datuak) atxikitu ahal izatea.
-
-
Originaltasuna: irudiak ez du beste irudiekin antzekotasun zuzenik izan behar.
-
Berariazkoa: Institutua ekarri beharko du gogora.
Edozein pertsona edo erakunderekiko konnotazio sexistak, xenofoboak, arrazistak edo ofentsiboak dituzten lanak baztertu egingo dira.
8. Epaimahaia eta ebazpena
Ebazpenaren prozesua ondorengoa izango da:
- Epaimahaiak aurkeztu diren lan guztien artean gehienez hamar lan hautatuko ditu.
- Hamar lan horiekin erakusketa egingo da.
- Institutuko ikasleek eta langileek irabazlea hautatu ahal izango dute bozketa baten bidez.
Epaimahaia 5 irakaslek osatuko dute.
9. Oinarriak onartzea
Lehiaketa honetan parte hartzearekin lehiatzaileek oinarri hauek onartzen dituztela adierazten dute.
10. Artelan irabazleen erabiltze eskubideak
Logotipo irabazleak, edozein euskarritan eta edozein helbururako argitaratzeko eskubide esklusiboa izango du Institutuak, egileei inolako baimenik eskatu beharrik izan gabe.
11. Argibide gehiago
Teknologia Mintegiko Asier Urio irakasleak.