NORK HAR DEZAKE PARTE? Lehiaketa aldian ikastetxeko ikasle guztiek, eta erakusketa aldian hezkuntza komunitateko kide orok parte hartu dezake.
GAIA Argazkietako gaia, kaleko munduaren agerpen ezberdinekin zerikusia daukan edozer izan daiteke (gure herri eta auzoetako kaleak, etxeak, eraikinak, hiriko tresneria, …) eta noski, matematikarekin erlazionatu behar dira.
AURKEZPENA Parte hartzaile bakoitzak gehienez hiru argazki original aurkeztu ahal izango ditu, bai zuri beltzean bai koloretan. Hauek, argazki paperean aurkeztu beharko dira. Argazkiaren tamaina 15cm x 20cm ingurukoa izango da. DIN A4 tamainako kartulina batetan itsatsi beharko da eta Matematikako mintegiko edozein irakasleri emango zaio. Kartulinaren goikoaldean, matematikarekin erlazionatutako kontzeptu bati lotutako izenburua jarri beharko da, eta argazkiaren azpialdean berriz, azalpena bilduko duen testua gehituko zaio. Atzealdean, parte hartzailearen izen abizenak eta maila jarriko dira.
EPEA lanak aurkezteko epea maiatzaren 25ean amaituko da.
EPAIMAHAIA Matematika mintegiko irakasleek osatuko dute, Plastikako mintegiko irakasleen laguntzarekin. Lanaren originaltasuna, izenburuaren egokitasuna, kalitate plastikoa eta irudiaren teknika eta noski eduki matematikoa eta emandako azalpena hartuko dira kontutan.
SARIAK Hiru sari banatuko dira:
- Diploma
- 30€-ko hiru txeke opari.
- Sari sorpresa bat.
IRUDIEN EGILEAK IZATEA Argazkiak norberak egindakoak izango dira, ez dira interneten edo beste bide batzuetatik lortutako argazkiak onartuko. Mintegian argazki sarituen egileak izatea egiaztatuko da.
ARGAZKIEN ERABILERA Parte hartzen duten argazkiak mintegiko web orrian plazaratuko dira. Argazkien aukeraketa bat egin ostean, ikastetxean argazkien erakusketa egingo da. Parte hartzen duten argazkiak Matematikako mintegiak hartuko ditu jabetzan eta mintegiak helburu didaktikoekin erabili ditzazke, betiere, argazkiaren egilearen izena emango delarik. Egileei, argazkien negatibo edo artxibo digitala eskatzeko aukera izango du mintegiak.