Irailaren 26an hasi ziren aurtengo Nafarroako Talentu Matematikoaren Tailerreko (NaTMT) saioak. Oraingoan SeskiMate proiektuko hiru kide izan ziren. Niko Paracuellos eta Alba Cerrada NUPeko ikasgelategian izan ziren Juan Serrano de Rodrigok DBHko 3. mailako ikasleei emandako hitzaldi batean: Estrategias de resolución de problemas I.
Nafarroako Talentu Matematikoaren Tailerra (NaTMT) eskolaz kanpoko jarduera bat da, eta Nafarroako ikasleei matematika hurbiltzea du helburu, bi ardatz nagusiren bidez: problemak ebazteko estrategiak garatzea eta matematika dibulgatzea. Problemak ebatzi nahi dituzten Derrigorrezko Bigarren Hezkuntzako eta Batxilergoko ikasleei zuzenduta dago. Bigarren Hezkuntzako eta Nafarroako Unibertsitate Publikoko irakasle talde batek antolatzen du.
Ohiko bilerak Nafarroako Unibertsitate Publikoko ikasgelategian egiten dira. Normalean hamabostean behin egiten dira, ostiraletan 18:00etatik 19:30era.
Animatu zaitez etorkizuneko hitzaldietan parte hartzera.