Institutuko 4.Cko Cristina Ruedas Ballestero eta 4.Iko Amaia Zapata Ulibarri ikasleek Mundu Klasikoaren sariak jaso dituzte, Piramo eta Tisbe mitoaren berregite artistiko eta literario- sariak, hurrenez hurren, egindako lanengatik.
Zorionak sariengatik.
Informazio gehiago esteka honetan.
Amaia Zapataren testua – 4I
Zure zain egon nintzen. Orduak pasa ziren. Etxera triste bueltatu nintzen. Gau osoa negarrez pasatu nuen. Zure ideia izan zenez, agertuko zinelaren itxaropena nuen. Ameslari hutsa izan nintzen. Hilabete batzuk ostean, jakin nuen udako arratsalde hartan zure gurasoek ez zintuztela ni ikusten utzi. Ez zenuela errurik izan. Pena, baina berandu zen jada. Arratsalde hartan zure zain egon eta gero, hurrengo goizean maletak egin eta herritik ospa egin nuen. Bizitza berri bat hasteko; zu gabe zoriontsu izan nintekeen batean. Ez nuen lortu. Egun osoan zeunden nire buruan, ezin zintudan atera, eta herritik amaren deia jaso nuenean, mundua oinetara erori zitzaidan. Banekien momentu hau helduko zela. Zu ni bezain triste zeundelaren sentsazioa nuen. Beraz, amaren deia jaso nuenean zer egin behar nuen jakin nuen. Tristuran murgilduta, herrira abiatu nintzen, azkeneko aldiz nire familiari agur esateko. Bai, nire familiari. Maite zenuen pertsonarekin deskantsatzea merezi zenuen eta ni ez nintzen inor hori geldiarazteko. Hau irakurriko ez duzun arren, jakin ezazu laister elkarrekin egongo garela eta zure oroimen ezabaezina nire bihotzean egongo dela betiko. Barkatu ama. Tisbe.
Cristina Ruedasen marrazkia – 4C
