Piraguismoa euste punturik ez duen arraun batekin eta bi, hiru edo lau pertsonez bultzatuz, ontzi arin batean praktikatzen den uretako kirola da. Ontzi erabilienak, kayaka, bi koilarako pala batekin bultzatuta, eta kanoa, koilara bakarreko pala batekin bultzatuta, dira.
Piraguismoa kirol zaharrenetariko bat dela esan daiteke. Bere bi modalitateak ez ziren batera asmatu kirol berdina kontsideratu arren. Kanoen lehenengo aztarnak orain dela 6000 urtekoak dira eta Ipar Amerikan eta Mesopotamian aurkitu ziren. Kayaka berriz, 7000 urte inguru dituen inuiten asmakuntza da.
Gaur egun, kirol honetan hamaika modalitate daude. Haien artean bi multzo nagusi bereizi daitezke: Ur geldoak eta ur biziak. Hala ere, multzo hoien kanpoan beste modalitate batzuk ere daude, adibidez, kayak poloa, itsakoko kayaka eta dragon boat.
Ur geldoetan ez dago korronterik edo oso txikiak dira. Multzo honetan piragua estuak eta luzeak erabiltzen dira, eta hiru modalitate daude. Lehenengoa pista da eta 200, 500, 1000 eta 5000 metroko lasterketak dira. Bigarrena maratoia da. Lasterketa hauek, adinaren arabera, 12 eta 32 km arteko distantzia dute eta porteoak egin behar dira. Hirugarrena, ibaien trabesiak eta jeitsierak dira.
Ur bizietan berriz, ur korronte handiak daude maniobratzeko errezagoak izateko zabalak eta motzak diren piraguak erabiltzen dira. Hemen beste hiru modalitate bereizten dira. Lehenengoan, eslaloma, zirkuito batetik jeisten da ahalik eta denbora gutxienean. Ate batzuetatik pasatu behar da eta bat ukitzerakoan, penalizatu eta denbora gehitzen da . Bigarrena, estilo librea da. Modalitate honetan, olatu handi bat (ruloa) sortzen den ur korronte batean praktikatzen da. Helburua jauziak eta birak eginez, ahalik eta puntuazio handiena lortzea da. Hiruagarrena ibaien jeitsieren lasterketak dira.
Bi multzo hauetaz gain, beste hainbat modalitate daude. Adibidez, kayak poloa, non bost jokalariko bi taldek kontrakoaren atean baloi bat sartu behar duten, edo dragon boata, non 14 metroko ontzi batean 20 kanoista, timonel bat eta danbor batekin erritmoa daraman pertsona bat joaten diren.